Истаравшан: Сӯиқасд ба ҷони худу ҳамсар

Душанбе, 02. 12. 2015. (АМИТ «Ховар»).-Зимни гузаронидани чорабиниҳои фаврӣ-ҷустуҷӯӣ кормандони милитсия сокини 34-солаи шаҳри Истаравшанро бо гумони сӯиқасд ба куштор дастгир намуданд. Муайян карда шуд, ки номбурда 29 ноябри соли равон,  тахминан соати 10:00 дар ҳолати мастӣ дар ҳудуди бозори марказии шаҳри Истаравшан бо ҳамсараш, зани 24-сола ҷангу ҷанҷол  бардошта,  дар натиҷаи  муноқиша бо корд  якчанд маротиба ба узвҳои бадани ӯ  зада,  қасди куштан менамояд. Баъдан гумонбаршуда бо корди мазкур 1 маротиба ба қафаси синаи худ зарба зада, нияти  худкушӣ менамояд. Дар натиҷа зану шавҳар ҷароҳатҳои гуногуни чисмонӣ бардошта, дар беморхона бистарӣ шудаанд. Аз рӯи ин ҳодиса парвандаи ҷиноӣ оғоз гардида, тафтиш идома дорад.