Ҳизбиён ба театр мераванд

Душанбе, 23.12.15. (АМИТ «Ховар»).-Ҳизби Халқии Демократии Тоҷикистон имрӯз тасмим гирифтааст, ки тамоми кормандони дастгоҳи марказии ҲХДТ ва сохторҳои ҳизбиеро, ки дар шаҳри Душанбе ва берун аз он фаъолият мекунанд, дар якҷояги ба Театри академӣ- драммавии ба номи Абулқосим Лоҳутӣ  ба тамошои намоишномаи театрӣ даъват намояд.  Ба гуфтаи роҳбари дастгоҳи кумитаи иҷроияи марказии ҲХДТ  Абдураҳмон Хонов, ҳадаф аз ин иқдом, пеш аз ҳама, баланд бардоштани фарҳанги маънавии байни кормандони ҲХДТ мебошад ва бад-ин васила ҳамчунин кормандони ҳизб, кормандони дастгоҳи кумитаи иҷроияи марказии ҲХДТ мехоҳанд, ки миёни аъзои худ чунин иқдомро баргузор намуда, ба баланд гардидани маънавиёти  аъзои худ мусоидат намоянд.  Ба гуфтаи Абдураҳмон Хонов дар тамоми вазорату идораҳо ва муассисаю ташкилоти давлатӣ, ки  ҳизби ҲХДТ амал мекунад, роҳбарони ташкилоти ҳизб чунин иқдомро идома хоҳанд дод ва бад- ин минвол, пеш аз ҳама, ҷавононро ба маънавиёт ва театр ҷалб менамоянд.