Кишти зироати ғалладона дар Кӯлоб

Кӯлоб, 8.12.2015. (АМИТ «Ховар»).- Дар ноҳияи Кӯлоб бо истифода аз обу ҳавои мусоид ва дастрасӣ ба техникаи кишоварзӣ деҳқонон кишти тирамоҳии ғалладонагиро ба охир мерасонанд. Кооперативи истеҳсолии Мир Саид Алии Ҳамадонӣ аз хочагиҳои калонтарини ноҳияи Кӯлоб ба ҳисоб меравад ва самти фаъолияташ тухмипарварӣ ва зотпарварӣ мебошад. Имсол хоҷагидорон бо истифода аз тухмии хушсифати ғалла мақсад доранд, ки дар майдони 300 гектар замини лалмӣ ва 500 гектар замини обӣ кишти ғалладона гузаронанд. Бо ин мақсад тамоми техникаи кишоварзӣ, ки қаблан аз таъмир бароварда шудаанд, ба шудгору кишт сафарбар  гардид. Бино бар иттилои хоҷагидорон беш аз 300 гектар замини обӣ низ аз шудгори хушсифат бароварда шуда, навъҳои гандуми «Краснодар 99», «Садоқат» ва намудҳои чинӣ кишт шудаанд.