Конфронси «Қалби Осиё» дар Исломобод ҷараён дорад
Душанбе, 9.12.2015. (АМИТ «Ховар»).-Имрўз Конфронси дурўзаи «Қалби Осиё», ки рўзи сешанбе дар пойтахти Покистон- шаҳри Исломобод оғоз шуд, кори хешро идома дод. Конфронс бо ҳадафи густариши ҳамкорӣ дар ҳалли масъалаҳо ва беҳбуди вазъияти амниятии Афғонистон бо ҳузури намояндагони беш аз 40 кишвари узв ва ҳомиёни он ва беш аз 10 ниҳоди байналмилаливу минтақавӣ оғоз гардид.
Бахши асосии конфронс дар сатҳи вазирони корҳои хориҷии Тоҷикистон, Ҷумҳурии Исломии Эрон, Ҷумҳурии Мардумии Чин, ҷумҳуриҳои Исломии Афғонистону Покистон, Туркманистон, ҷумҳуриҳои Ҳиндустон, Туркия, Қазоқистон ва Қирғизистон идома меёбад.
Дар конфронс ҳамчунин намояндагони кишварҳои ҳимояткунандаи «Қалби Осиё», аз қабили Амрико, Австралия, Канада, Дания, Миср, Фаронса, Финландия, Олмон, Ироқ, Италия, Япония, Норвегия, Полша, Шветсия ва Британияи Кабир ширкат доранд.
Дар чаҳорчӯби кори конфронси мазкур вазири корҳои хориҷии Тоҷикистон С.Аслов бо мушовири Сарвазири Покистон оид ба масъалаҳои амнияти миллӣ ва корҳои хориҷӣ Сартоҷ Азиз, вазири банақшагирӣ, рушд ва ислоҳот Аҳсан Иқбол, вазири федеролии об ва энергетика Хоҷа Муҳаммад Осиф, инчунин бо вазири корҳои хориҷии Ҷумҳурии Исломии Эрон Ҷавод Зариф мулоқот анҷом дод.
Бояд гуфт, ки нахустин Конфронси «Қалби Осиё» дар сатҳи вазирони корҳои хориҷӣ дар соли 2011 дар шаҳри Истанбули Туркия баргузор шуда буд. Нишастҳои баъдӣ дар кишварҳои Афғонистон, Қазоқистон ва Чин дар солҳои 2012, 2013 ва 2014 баргузор шуда буданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






