Конибодом: машварат барои ангурпарварон

Конибодом, 14.12.2015 (АМИТ «Ховар»).- Дар майдони токзори ҷамоати деҳоти Лоҳутии шаҳри Конибодом машварати боғпарварон ва роҳбарони хоҷагиҳои деҳқонӣ баргузор гардид. 
Дар машварат мутахассисони соҳа оид ба шароиту имкониятҳои мавҷудаи шаҳр дар самти боғу токпарварӣ ҳарф зада, баён доштанд, ки аввалин майдони токзор дар масоҳати 7 га дар ҷамоати мазкур дар ҳамкорӣ бо мутахассисони шаҳри Турсунзода бунёд ёфтааст ва ҳоло 2 гектари он бо истифодаи симҳо болопӯш карда шудааст. Алҳол дар ин майдон 3 навъи ангур шинонида шуда, тибқи таҷрибаи мутахассисон дар 3 сол ба ҳосил медарояд ва аллакай дар як сол хароҷоти деҳқононро мепӯшонад.