Коррупсия ва қонун

Декабрь 12, 2015 07:12

Душанбе, 12.12.2015. (АМИТ «Ховар»).-Дар Донишкадаи молия ва иқтисоди Тоҷикистон дар партави Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии ҶТ ва ба муносибати Рӯзи ҷаҳонии муқовимат бо коррупсия маҳфили “Ҳуқуқдони замони муосир” доир ва дар он мавзӯи «Коррупсия ва қонун» мавриди баррасӣ қарор дода шуд. 
Декани факултаи менеҷмент ва ҳуқуқи молиявӣ  Ҷӯрахон Шарипов зикр  намуд, ки коррупсия зуҳуроти номатлуби аср буда, тамоми ҷомеаи ҷаҳониро ба ташвиш андохтааст.
Роҳбари маҳфили “Ҳуқуқдони замони муосир” Навоиддин Носиров дар мавзӯи «Коррупсия, омилҳои пайдоиш ва роҳҳои пешгирии он» маърӯза карда, афзуд, ки Президенти кишвар Эмомалӣ Раҳмон дар ин маврид гуфтааст: «Коррупсия дар ҷомеа ба риоя нашудани ҳуқуқҳои конститутсионии шаҳрвандон замина фароҳам меорад ва ба пояи ахлоқ зарба мезанад». Аз ҷумла Н.Носиров иброз дошт, ки коррупсия як роҳи соҳибият ба афзалият ва бартариҳои ноадолатона дар муқоиса бо дигарон ҳангоми иҷрои вазифаҳои давлатӣ, дастрасӣ ба хидмати давлатӣ ва неъматҳои ҷамъиятӣ, бемасъулиятӣ дар назди қонун ва суд, баробари дигарон ба ҷо наовардани вазифаҳо дар назди давлат ва сӯйистифода аз ҳокимият ба манфиатҳои шахсӣ мебошад.
Дар маҳфил дар мавзӯъҳои «Таърихи пайдоиши коррупсия»,  «Мақомоти назорати молиявӣ»  «Коррупсия дар соҳаи иқтисодиёт», «Ҷавобгарии коррупсия» аз ҷониби донишҷӯён маърӯзаҳо шунида шуданд..
Дар фарҷом декани факулта ба як гурӯҳ донишҷӯён барои иштироки фаъолона дар маҳфили «Ҳуқуқдони замони муосир» ва соҳиб шудан ба унвони «Беҳтарин донандаи Конститутсия» ифтихорномаҳо дод.

 

 

Декабрь 12, 2015 07:12

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд