“Миёнарав” -намоишномаи нав дар Театри мардумии Ғончӣ

Ғончӣ, 08.12.2015. (АМИТ «Ховар»).-“Миёнарав” -чунин ном дорад намоишномаи наве, ки бахшида ба “Соли рушди фарҳанг” аз ҷониби ҳунарпешагони Театри мардумии ноҳияи Ғончӣ барои мухлисон пешкаш гардид.  Намоишномаи мазкур аз ҷониби коргардони театр  Саидлуқмон Ғаниев аз рӯи асари драматургон Саидамин Ҷило ва Ориф Набиев рӯи саҳна омадааст. 
Тавре ки ба АМИТ “Ховар” аз шуъбаи фарҳанги ноҳия  иттилоъ доданд, мавзӯи асосии намоишномаи “Миёнарав”- ин пеш аз ҳама тавассути саҳна нишон додани дарди ҷомеа ва ҳамчунин фошсозии амалҳои носавобе, ки дар ҷомеаи имрӯза вомехӯранд, буд. 
Ба иттилои манбаъ, асари мазкур барои иштирок дар озмуни вилоятии театрҳои халқӣ омода гаштааст.