Модар бераҳмона фарзандони худро ба қатл расонид

Душанбе, 22.12.2015. (АМИТ «Ховар»).-20 декабри соли равон, тахминан соати 21:30 зимни гузаронидани чорабиниҳои фаврӣ-ҷустуҷӯӣ кормандони милитсия зани 42-солаи сокини Ҷиликулро бо гумони даст доштан дар ҷинояти куштор дастгир намуданд. Муайян карда шуд, ки номбурда, дорои касалии рӯҳӣ буда, дар хонаи истиқоматиаш аз набудани шавҳараш, марди 53-сола истифода бурда, фарзандони ноболиғаш, ду писарбача, яке 6 ва дигарӣ 11-соларо бо истифодаи корди ошхонагӣ ба ҳалокат расонидааст. Ин ҳодиса мавриди тафтиш қарор дорад.