Мулоқоти вазирони корҳои хориҷии Тоҷикистону Олмон

 Душанбе, 5.12.2015. (АМИТ “Ховар”). — 4 декабри соли 2015 дар Белград, Сербия дар ҳошияи иҷлоси 22-юми Шӯрои вазирони корҳои хориҷии Созмони амният ва ҳамкорӣ дар Аврупо (САҲА) мулоқоти Вазири корҳои хориҷии Тоҷикистон Сироҷидин Аслов бо Вазири корҳои хориҷии Ҷумҳурии Федеративии Олмон Франк-Волтер Штайнмайер баргузор гардид.
Зимни мулоқот ҷонибҳо авлавиятҳои Олмон дар давраи раёсаташ дар САҲА дар соли 2016, инчунин масъалаҳои марбут ба ҳамкориҳои дуҷониба дар чаҳорчӯби Стратегияи нави Иттиҳоди Аврупо барои Осиёи Марказӣ дар давраи солҳои 2015-2020-ро мавриди муҳокима қарор доданд.
Ҷонибҳо инчунин дар атрофи масъалаҳои ҳамкорӣ дар мубориза бо терроризм, ифротгароӣ ва омилҳои ба амнитяти минтақа ва ҷаҳон таҳдидкунанда мубодилаи афкор намуданд.