Мусодираи зиёда аз 6 кило ҳашиш аз марди афғон

Душанбе, 3.12.2015. (АМИТ «Ховар»).- 2-юми декабри соли равон зимни гузаронидани чораҳои фаврӣ-ҷустуҷӯӣ кормандони милитсия шаҳрванди Ҷумҳурии Исломии Афғонистон, марди 20-солаи вилояти Бадахшони Афғонистонро бо гумони даст доштан дар муомилоти ғайриқонунии маводи нашъадор дастгир намуданд. Дар вақти кофтукови шахсӣ аз номбурда 6 килою 204 грамм маводи нашъадори ҳашиш дарёфт ва мусодира шуд. Нисбат ба далели мазкур парвандаи ҷиноӣ оғоз гардида, тафтиш дар ин самт идома дорад.