Намоиши ҳунарҳои дастии 35 ҳунарманд дар Наврӯзгоҳ

Душанбе, 25.12.2015. (АМИТ «Ховар»). -Имрӯз дар бинои «Наврӯзгоҳи пойтахт» бо иштироки ТҶ «Иттифоқи ҳунармандони Тоҷикистон» конфронс доир гардид. Дар конфронс тарроҳон, аз ҷумла Нафиса Имронова, Хуршед Сатторов ва Фарвардин Оташин дар бораи сафарҳое,  ки  ба хориҷи кишвар доштанду Тоҷикистонро муаррифӣ намуданд, гузориш доданд. 
Ҳамчунин доир ба фаъолияти ТҶ «Иттифоқи Ҳунармандони Тоҷикистон»  директори  иҷроияи Иттифоқи ҳунармандони Тоҷикистон Нигина Икромова чунин гуфт: «ТҶ «Иттифоқи ҳунармандони Тоҷикистон» бо ҳамаи ҳунармандон, тарроҳон  ва ташкилоте, ки ба фаъолияти ҳунармандӣ машғуланд, якҷоя кор мекунад ва тасмим гирифтааст, ки бахшида ба Соли нав намоиши аввалини худро ташкил намояд ва маҳсулоти ҳунарҳои дастии ҳунармандонро пешкаши харидорону тамошобинон намояд».
Ёдовар мешавем, ки 26-27- уми декабр дар бинои «Наврӯзгоҳи пойтахт» намоиш ва фурӯши маҳсулоти ҳунарҳои дастии 35 ҳунарманд ва тарроҳи Иттифоқи ҳунармандони Тоҷикистон ба намоиш гузошта мешавад.   Ҳоло 95 ҳунарманд аз гӯшаю канори ҷумҳурӣ аъзои «Иттифоқи ҳунармандони Тоҷикистон» мебошанд.