Норак: андози иҷтимоии ғайрибуҷетӣ иҷро нагардид

Норак, 1.12.2015. (АМИТ «Ховар»). -Дар   нуҳ  моҳи соли ҷорӣ дар шаҳри Норак нақшаи ҷамъоварии маблағи андозҳо 130 фоиз иҷро гардида, ба буҷет ба ҷои 16,6 млн сомонӣ нақшаи пешбинишуда, 21,6 млн сомонӣ маблағ ворид гардид, ки нисбат ба  нақша  4,9 млн. сомонӣ зиёд мебошад. Гарчанде нақшаи қисми даромади буҷет иҷро гардид, вале як намуди  андоз пурра иҷро нагардид, ки ин андози иҷтимоии ғайрибуҷетӣ буда, он  71,13 фоиз иҷро шуд  ё ин ки нисбат ба нақшаи пешбинигардида  5,3 млн  сомонӣ   кам  маблағ ба буҷет  ворид гардид.
Қисми хароҷоти буҷет аз рўи нақшаи пешбинишуда  92,6 фоиз таъмин шуд.
Қарздорӣ аз андозҳо ҳамагӣ то 1  сентябри  соли 2015 382,4 ҳазор сомонӣ буда, нисбат ба аввали сол 80,9 ҳазор сомонӣ зиёд гардидааст. Қарзи андози  иҷтимоӣ   аз ин шумора 118,2 ҳазор сомониро ташкил медиҳад.  
Новобаста  аз корҳои  ба анҷомрасида сардорони  нозироти андоз ва Раёсати молияи шаҳрро  зарур аст, ки  баҳри бартараф намудани камбудиҳои ҷойдошта  ва таъмини саривақтии иҷрои намудҳои андоз, пешгирии афзоиши бақияпулиҳо ва назорати истифодаи дурусти маблағҳои буҷетӣ  тадбирҳои қатъӣ андешанд.