Обама Эрдуғонро ба баровардани неруҳояш аз Ироқ даъват кард

Душанбе, 19.12.2015. (АМИТ «Ховар»). – Президенти ИМА Барак Обама бо президенти Туркия Реҷеп Тайип Эрдуғон гуфтугӯи телефонӣ анҷом дод. 
Зимни гуфтушунидҳо раҳбари Амрико аз ҳамтои туркиаш даъват кард, ки барои муътадилии ташаннуҷи муносибатҳо бо Ироқ чораҳо андешад. Аз ҷумла, Обама оид ба баровардани неруҳои Туркия аз Ироқ изҳори назар кард.
Ҷонибҳо ҳамчунин вазъият дар Сурия ва мубориза бо ҷангиёни гурӯҳи террористии ба ном «Давлати исломӣ» -ро мавриди баррасӣ қарор доданд.
Ёдовар мешавем, ки чанде қабл ноиби президенти ИМА Ҷо Байден ҳукуматдорони Туркияро даъват кард, ки неруҳояшонро аз қаламрави Ироқ бароранд.