Ҳодисаи беш аз ҳама хабарсози соли 2015 кадом аст?

Душанбе, 7.12.2015 (АМИТ «Ховар»). – То анҷоми соли равони 2015 камтар аз як моҳ мемонад, вале аз ҳозир метавон баъзе ҳодисаҳои солро пешакӣ натиҷагирӣ кард. Мувофиқи солшумории Мучал 2015 соли гӯсфанд аст ва бар асоси боварҳои мардумӣ соли гӯсфанд табиатан орому нарм дониста мешавад. Мувофиқи солшумории шарқӣ ҳар соли навбатии Мучал аз баробаршавии баҳории шабу рӯз оғоз меёбад, вале бо назардошти он ки Тоҷикистон мисли аксар кишварҳои дигари олам таърихи тақвимии худро аз моҳи январ оғоз мекунад, метавон баъзе нишондодҳои солро дар моҳи декабр ҷамъбаст кард.
АМИТ «Ховар» миёни хонандагони худ бо унвони «Ҳодисаи беш аз ҳама хабарсози сол кадом аст?» назарпурсӣ мекунад, ки натиҷаҳои он баъд аз ду ҳафта, 21-уми декабри соли 2015 ҷамъбаст хоҳад шуд. Ба андешаи Шумо кадоме аз ин ҳодисаҳои соли 2015 бештар таваҷҷуҳи одамонро ба худ ҷалб карда, боиси паҳн шудани хабарҳои мухталиф, тағйир ёфтани вазъият, ворид шудани таҳаввулоти ҷиддӣ шуданд: 

— Қатли Фархунда дар Афғонистон
— Офати табиӣ дар Бадахшон
— Кӯшиши табаддулот дар Душанбе
— Марги Умаралӣ Назаров дар Санкт-Петербург
— Марги муҳоҷиркӯдаки курдӣ дар баҳр
— Амалиёти неруҳои ҳарбӣ-ҳавоии Русия дар Сурия
— Ҳамлаи тайёраи F-16-и Туркия ба тайёраи Су-24-и Русия