Омонҷон Очилов — ҷоизадори чемпионати ҷаҳон
Душанбе, 18.12.2015 (АМИТ «Ховар»).- Омонҷон Очилов — милитсионери қаторӣ, курсанти курси якуми факултети №4-и Академияи ВКД, дорандаи камарбанди сиёҳ, рӯзҳои 12-13 декабри соли 2015 дар мусобиқаҳои 5-умин чемпионати ҷаҳон оид ба каратэ- до, ки дар шаҳри Волгогради Федератсияи Русия баргузор гардид, ширкат варзида, дар вазни 76 кг аз ҳисоби даставӣ бо варзишгарони дастаҳои ҷумҳуриҳои Арманистону Қазоқистон ғалаба кард ва дар финал ба варзишгари Федератсияи Русия дастболо шуда, сазовори ҷойи аввал ва медали тилло гардид.
Ҳамзамон дар мусобиқа аз рӯи вазни 76 кг ҳунарнамоӣ карда, соҳиби ҷойи 2-юм ва медали нуқра гардида, бо ду медал ба Ватан баргашт.
Мавриди зикр аст, ки Омонҷон рӯзҳои 21-26 октябри соли 2015 низ дар шаҳри Истанбули Ҷумҳурии Туркия дар мусобиқаҳои чемпионати ҷаҳон оид ба навъи каратэ-до иштирок намуда, Вазорати корҳои дохилии Ҷумҳурии Тоҷикистонро намояндагӣ кард. Дар ду навъи мусобиқа Омонҷон Очилов соҳиби медали биринҷӣ ва нуқра гардид.
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
