Пекин дараҷаи баландтарини хатарро дар робита ба ғубори ғализ эълон кард
Душанбе, 18.12.2015. (АМИТ «Ховар»). — Дар шаҳри Пекин маротибаи дуюм дар як моҳ дар иртибот ба омадани ғубори ғализ (смог) хатари дараҷаи «сурх» эълон мекунанд. Ҳавои басо номусоид дар пойтахти Чин аз рӯзи шанбе то сешанбе идома меёбад.
Аз соати 7-и субҳи 19-уми декабр то соати 12-и шаби 22-юми декабр дар шаҳри Пекин дар ҳаракати воситаҳои нақлиёти хусусӣ маҳдудият ҷорӣ хоҳад шуд. Ҳамчунин дар ин вақт ба истифодаи маводи зуддаргиранда ва пухтани гӯшт берун аз бино иҷозат дода намешавад.
Ба меҳмонон ва сокинони пойтахт тавсия дода мешавад, ки вақти будубошро дар берун аз биноҳо кам кунанд ва мактабҳои ибтидоию миёна дарсҳоро боздоранд.
Хадамоти марказии бодуҳавосанҷӣ ҳамчунин ҳушдор дод, ки рӯзи шанбе ғубори ғализу вазнин баъзе минтақаҳои дигари шимоли Чинро фаро мегирад.
Интизор меравад, ки зичии ғубори ғализ ин дафъа нисбат ба 6-9 декабр, вақте ки бори аввал дар пойтахт огоҳии «сурх» эълон гардида буд, бештар аст.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
