Пешвози иштирокдорони конфронси ҷавонон аз ҷониби мардуми вилояти Хатлон

Душанбе, 17.12.2015 (АМИТ «Ховар»).-Имрӯз, 17 декабр ҷавонони фаъол ва донишҷӯёни минтақаҳои гуногуни ҷумҳурӣ — иштирокдорони  конфронс дар мавзӯи  «Иштироки ҷавонон ва донишҷӯёни кишвар дар тартиботи ҷамъиятӣ ва мубориза бар зидди ҷинояткорӣ», ки дар маркази вилояти Хатлон- шаҳри Қурғонтеппа баргузор хоҳад гашт, аз шаҳри Душанбе ва дигар минтақаҳо озими вилоят гардиданд.
Меҳмононро дар фазои тантанавӣ дар даромадгоҳи ноҳияи Бохтар ҷавонон, донишҷӯён,  намояндагони мақомоти маҳаллии ҳокимияти давлатии вилоят ва аҳли ҷамъият  гарму ҷӯшон истиқбол гирифтанд.
Шиори ҷавонону донишҷӯёни минтақаҳои гуногуни кишвар- аз Суғду Бадахшон, Раштонзамину Ҳисори Шодмон, Кӯлобу Душанбе якдилию муттаҳидӣ, дӯстию рафоқати тамоми мардуми Тоҷикистон буд.
Хотиррасон менамоем, ки баргузории конфронси мазкур дар шаҳри Қурғонтеппа пагоҳ, 18-уми декабр дар назар дошта шудааст.