Равандҳои муосири илми физика ва мавқеи олимони тоҷик

Душанбе, 2.12.2015. (АМИТ «Ховар»).-Ба диққати донишмандон, пажуҳишгарон ва ҳамаи хоҳишмандон расонида мешавад, ки 4 декабри соли 2015 дар Академияи илмҳои Ҷумҳурии Тоҷикистон маҳфили навбатии “Ҷаҳони андеша” дар мавзӯи “Равандҳои муосири илми физика ва мавқеи олимони тоҷик” баргузор мегардад. 
Иштирок дар маҳфили навбатии “Ҷаҳони андеша” озод аст.
Дар маҳфил директори Институти физика ва техникаи ба номи Султон Умарови Академияи илмҳои Ҷумҳурии Тоҷикистон, узви вобастаи АИ ҶТ, доктори илмҳои физикаву математика, профессор Ҳикмат Муминов ба ҳайси гузоришгар ва садри маҳфил сухан хоҳад ронд.
Дар ин бора хабарнигори хадамоти матбуотии Академияи илмҳои Ҷумҳурии Тоҷикистон Шервони Умриддин ба АМИТ “Ховар” хабар дод.