Роғун: Ҷамъбасти чорабинӣ бахшида ба Соли оила

Декабрь 24, 2015 12:30

Роғун, 24.12.2015.  (АМИТ «Ховар»). — 23 декабри соли 2015 дар шаҳри Роғун  чорабинии  ҷамъбастӣ бахшида ба  Соли оила  баргузор гардид. Дар он  раиси шаҳр Шарифзода Шариф Файз, роҳбарони мақомоти ҳифзи ҳуқуқи шаҳр, кормандони ташкилоту муассисаҳо, пирони рӯзгордида, ҷавонон  ва оилаҳои намунавии шаҳр иштирок намуданд.  Раиси шаҳр Шарифзода Шариф Файз изҳор кард, ки дар шаҳри Роғун  дар ҳошияи сиёсати  оқилонаи Сарвари давлат ғамхорӣ ба оилаҳои ҷавон, таълиму тарбияи  наврасону ҷавонон минбаъд низ идома ёфта, ба занону модарон ҳамчун чароғи оила, неруи созандаи  ҷомеа ва идомабахши  беҳтарин анъанаҳои миллӣ аҳамияти махсус зоҳир мешавад. 
     Инчунин дар чорабинии мазкур  оилаҳое, ки зиёда аз 50 сол зиндагии хушбахтона доштанд, ба ҷавонон  барои хушбахт гардидану мустаҳкамии оилаҳояшон маслиҳатҳои  судбахш доданд.
    Тибқи маълумоти оморӣ соли равон дар шаҳри Роғун 4017 оила зиндагӣ дошта, аз ин 172 оила камбизоат, 121 оила маъюб, 48 оила ҷудошуда буда, 350 ақди никоҳ ва 33  ҳолати бекоршавии ақди никоҳ ба қайд гирифта шудааст, ки омӯзишҳо  ва огоҳии  наздик бо  ҳаёти мардум бобати баланд бардоштани маърифати оиладорӣ пешгирии дигар  омилҳои номатлуб дар оила бо тарғибу ташвиқи  ҳунарҳои миллии  хонагӣ дар шаҳр нақши босазо гузоштаанд. 
     Дар чорабинии  ҷамъбастӣ бахшида ба соли оила Мақомоти иҷроияи ҳокимияти давлатии шаҳр  оилаҳои намунавиро бо   диплом ва туҳфаҳои  хотиравӣ  қадрдонӣ намуданд.

 

Декабрь 24, 2015 12:30

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд