Сайри Рӯзҳои синамои Эрон дар Тоҷикистон

Душанбе, 22.12.15. (АМИТ «Ховар»). —  21  декабр  дар  Тоҷикистон  Рӯзҳои  синамои  Эрон  оғоз  ёфтанд. Маросими  оғози  расмии Рӯзҳои  синамои  Эрон  дар  кинотеатри  ба  номи  «Зебунисо» — и шаҳри  Душанбе  бо  намоиши  филми  «Овози  гунҷишкҳо» — и  коргардон  Маҷид Маҷидӣ  баргузор гардид. Дар  ин  бора  аз Иттифоқи  синамогарони ҶТ  ба  АМИТ «Ховар»  хабар  доданд.
Дар ҳошияи Рӯзҳои  синамои  Эрон, ки аз  21  то  27  декабр  идома  меёбанд, ҳафт  филми  коргардонҳои   насли  сеюми  Эрон,  аз  қабили  Ризо  Миркаримӣ, Мануҷеҳри  Ҳодӣ,  Алии  Вазириён, Маҳшеди  Афшорзода,  Нозири Мирӣ   намоиш дода  мешаванд. 
Дар  рӯзи  охирин  филми  «Панҷ  ситора» — и  Маҳшеди  Афшорзода  манзури  ҳаводорони  синамо   карда  мешавад. 
Ёдовар  мешавем, ки  Рӯзҳои  синамои  Эрон  дар  Тоҷикистон бо  ибтикори  Иттифоқи  синамогарони  Тоҷикистон  якҷоя  бо Маркази фарҳангии  Эрон  дар  ҶТ   роҳандозӣ  шуданд.