«Шаҳбоз ва Гулноз»-Достони муҳаббати самимӣ

Декабрь 5, 2015 05:04

Душанбе, 5.12.2015. (АМИТ «Ховар»).-  Нашриёти «Ирфон» достони тозаэҷоди олим, шоир, нависанда, доктори илмҳои иқтисодӣ Дўстмурод Ўроқовро бо номи «Шаҳбоз ва Гулноз» аз чоп баровард. Достон аз ишқу муҳаббати ду тоҷики кўҳистонӣ, ки новобаста ба ҳолати иҷтимоӣ якдигарро дўст доштаанд, ҳикоят мекунад. Сужаи достон асосҳои воқеӣ дошта, асрҳои тўлонӣ аз забон ба забон то имрўз расидаанд. Дар пешгуфтори китоб таҳти унвони «Достони ишқи фоҷиафарҷом», ки ба қалами Шоири халқии Тоҷикистон Гулназар тааллуқ дорад, аз ҷумла, омадааст:
«Хати сужаи достон иртибот ба ривоятҳои мардумӣ дорад ва саршор аз ҳикмат аст. Ба василаи он таъкид мешавад, ки нашояд монеа дар роҳи ошиқони ҳақиқӣ, ҷуфти содиқу мувофиқ эҷод кардан, зеро ин амал оқибати нохушоянд дорад, фоҷеафарҷом аст. Онҳое, ки ба васли ошиқон мухолифат мекунанд, дар ниҳоят бадному пушаймон ва гузашта аз ин, маҳрум аз зиндагӣ мешаванд».
Достони «Шаҳбоз ва Гулноз» равону самимӣ ва бо забони содаи мардумӣ навишта шудааст».
Поёнтар устод Гулназар чунин зикр мекунад: «Мо қаблан Самимиро чун нависанда ва муаллифи чанд қиссаву роман мешинохтем ва медонистем, ки гоҳ-гоҳ шеър ҳам мегўяд, вале маҳз бо мутолиаи достони «Шаҳбоз ва Гулноз» дарёфтем, ки ў дар назм низ истеъдоду қобилияти шоиста дорад ва қаламашу қадамаш рост аст…»
Муҳаррири китоб нависанда ва рўзноманигори шинохта Абдурауф Муродӣ буда, он бо теъдоди 400 нусха бо расмҳову ороишоти писандида ба нашр расидааст.

Декабрь 5, 2015 05:04

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд