Сироятшиносони Хатлон чорабиниҳои пешгирикунанда мегузаронанд

Қурғонтеппа, 30.12.2015 (АМИТ «Ховар»). -Аз тарафи Хадамоти давлатии назорати санитарию эпидемиологӣ барои пешгирии бемориҳои гуногуни сироятӣ мунтазам санҷишҳо гузаронида мешаванд. Бино ба иттилои роҳбари Маркази назорати санитарию эпидемиологии вилояти Хатлон Нуруллло Бояков, ба тамоми Хадамоти назорати санитарию эпидемиологии шаҳру ноҳияҳои вилоят дар рӯзҳои пеш аз Соли нав барои шиносоӣ бо шароитҳои амалисозӣ ва нигоҳдории озуқа, махсусан маҳсулоти қаннодӣ, нуқтаҳои тиҷоратӣ ва корхонаҳои истеҳсолӣ дастур дода шуд. Ба гуфтаи Н. Бояков, чунин чорабиниҳо аз ҷониби мутахассисони марказ пайваста гузаронида мешаванд ва онҳо барои пешгирӣ намудани пайдоиш ва паҳншавии бемориҳои сироятии гуногун мусоидат мекунанд.