Таҳсили духтарон тавассути квота-дастгирӣ дар самти таҳсил

       Душанбе, 04.12.2015.(АМИТ «Ховар»).-Шурӯъ аз соли 2006 инҷониб ба муассисаҳои олии кишвар  тибқи квотаи Президенти Ҷумҳурии Тоҷикистон 2455 нафар дохил шуданд, ки аз ин 1309 ё 53,3%-и онро духтарон ташкил медиҳанд. Ин нуктаро Фирӯза Ғаниева-сармутахассиси Вазорати маориф ва илми Ҷумҳурии Тоҷикистон 3 декабр зимни баргузории мизи мудаввар  бахшида ба 16-умин солгарди қабули Фармони Президенти Ҷумҳурии Тоҷикистон  «Дар бораи тадбирҳои баланд бардоштани мақоми зан дар ҷомеа» иброз дошт. «Дар давоми солҳои охир муассисаҳои таҳсилоти олии касбиро  зиёда аз 1600 нафар  тибқи квота хатм намуданд, ки аз ин 887 нафар ва ё 55,4%-ро духтарон ташкил медиҳанд», афзуд  Фирӯза  Ғаниева.