«Табиат — шоҳасари нодир»-конфронси илмӣ-адабӣ

Душанбе, 15.12.2015 (АМИТ «Ховар»).- Баҳри татбиқи талаботи «Барномаи давлатии экологии Ҷумҳурии  Тоҷикистон барои солҳои 2009-2019», «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон то соли 2020», дар  муассисаи таҳсилоти миёнаи умумии № 6-и ба номи Абӯабдуллоҳи Рӯдакии шаҳри Хуҷанд дар мавзӯи «Табиат — шоҳасари нодир» конфронси илмӣ-адабӣ баргузор гардид. Дар  конфронс намояндагони Раёсати ҳифзи муҳити зисти вилоят, шуъбаи маорифи шаҳр, роҳбари Ташкилоти ҷамъиятии «Гурӯҳи ҷавонон барои ҳифзи муҳити зист», хонандагон ва устодони мактаб иштирок доштанд. 
    Дар конфоронс хонандагони мактаб дар мавзуъҳои гуногунии экологӣ ва ҳифзи сарватҳои табиӣ баромадҳои пурмазмун намуданд. Ҳамчунин аз ҷониби хонандагон дар мавзӯи ҳифз ва  истифодаи оқилонаи захираҳои об саҳначаҳо намоиш дода шуданд., ки  хусусияти муҳими тарбиявӣ дошта, барои  ҳидоят намудани насли наврас ба захираҳои табиӣ аз нигоҳи табиату  ватандустӣ равона гардиданд.