Таъмини хоҷагиҳои Хатлон бо техникаи кишоварзӣ

Қургонтеппа, 17.12.2015. (АМИТ «Ховар) — Бо мақсади дар муҳлатҳои оптималӣ гузаронидани шудгор ва кишти зироатҳои кишоварзӣ танҳо соли 2015 хоҷагиҳои кишоварзии вилоят 138   техникаи нав ворид намуд, ки аз он тавассути КВД “Тоҷикагролизинг” 40 ададро  ташкил менамояд. Дар се соли охир наздики 1000 адад техникаи гуногун ворид шудааст, ки ин албатта, мушкилоти кишоварзонро осон мегардонад. Ғайр аз ин ба кишоварзони вилоят 15 маркази хизматрасонии техникӣ бо 79  адад техникаи гуногун хизмат расонида истодааст. Илова ба ин тавассути Иттиҳодияи аграрии “Водии заррин” 36 трактор ва 97 таҷҳизоти гуногун, Барномаи “Рушди чорводорӣ ва чарогоҳҳо” 120 трактор, 547  таҷҳизот ба ноҳияҳои Мӯъминобод, Шӯрообод, Темурмалик, Ховалинг ва аз тарафи Ширкати “Ҷунтай- Данғара Син  Силу” 151 адад, аз он  44 адад  трактор ворид гардид.