Ташкил ва нигоҳдошти фоҳишахонаҳо

Душанбе, 19.12.2015. (АМИТ «Ховар»). -Зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 28-солаи сокини шаҳри Душанбе, бо гумони ташкил ё нигоҳдошти фоҳишахона дастгир карда шуд. Номбурда, санаи 18.12.с.2015, хонаи истиқоматиашро, воқеъ дар кӯчаи Теҳрони шаҳри Душанбе, ба фоҳишахона табдил дода, ба шаҳрвандон: марди 23-сола ва зани 24-сола, ҳарду сокинони шаҳри Душанбе, шароит фароҳам оварда, барои алоқаи ҷинсӣ намудан, аз онҳо 150-сомонӣ гирифтааст. 
Ҳамчунин номбурда санаи 17.12.с.2015 хонаи истиқоматиашро, воқеъ дар кӯчаи Рӯдакии шаҳри Душанбе, ба фоҳишахона табдил дода, ба шаҳрвандон: марди 24-сола ва зани 28-сола, сокинони шаҳри Душанбе, барои алоқаи ҷинсӣ намудан шароит фароҳам оварда, аз онҳо 150-сомонӣ гирифтааст. 
Нисбати далелҳои мазкур парвандаи ҷиноятӣ оғоз гардида, тафтишот давом дорад.