ВАО: ВКХ Туркия сафири Русияро пас аз ҳодисаи халиҷи Босфор даъват мекунад

Душанбе, 07.12.2015 (АМИТ «Ховар») .- Вазорати корҳои хориҷии Туркия сафири Русия дар Анқара Андрей Карловро дар робита бо аксҳои дар ВАО-и туркӣ мунташиргардида, ки гӯё хизматчии ҳарбии Русия дар саҳни киштии низомии Русия ҳангоми гузариши халиҷи Босфор дар даст силоҳи зиддизенитӣ ва мушакӣ  доштааст, даъват мекунад, иттилоъ медиҳад рӯзномаи «Hurriyet».
ВАО туркӣ муътақид бар онанд, ки гап сари киштии калони десантии «Сезар Куников» меравад, ки тахминан рӯзи якшанбе зимни гузариши халиҷи Босфор аксбардорӣ шудааст. 
Чанде қабл, вазири корҳои хориҷии Туркия Мавлуд Човушоғлу ҳодисаи мазкурро фитнаангезӣ хонд. Вазири нақлиёт, киштигардӣ ва алоқаи Туркия Бинали Йилдирим Федератсияи Русияро дар вайрон кардани Конвенсияи «Монтрё» оид ба вазъи халиҷҳои Босфор ва Дарданелли айбдор кард.