Вохӯрии раиси ноҳияи Спитамен бо донишҷӯён

Спитамен, 21.12.2015.  (АМИТ «Ховар»). — Дар театри Камоли Хуҷандии вилояти Суғд мулоқоти раиси ноҳияи Спитамен Ориф Хоҷазода бо донишҷӯёне, ки дар макотиби олӣ ва миёнаи махсус таҳсил менамоянд, баргузор гардид.
Ориф Хоҷазода зимни суханронӣ гуфт, ки имрӯз дар макотиби олии вилоят аз ноҳияи Спитамен 1328 донишҷӯ таҳсил мекунанд. Соли равон хамткардагони макотиби таҳсилоти ҳамагонии ноҳия аз тариқи ММТ назди Президенти Ҷумҳурии Тоҷикистон  1604 -нафар ҳуҷҷатҳои хешро супорида, танҳо 504- нафар соҳиби номи донишҷӯӣ гардиданд. Ин моро водор месозад, ки дар ин самт корҳоро ҷоннок намуда, зимни интихоби ихтисос ва донишазхудкунии хонандагон эътибори ҷиддӣ зоҳир намоем.
Ҳамчунин раиси ноҳияи Спитамен иброз  намуд, ки ҷавонон дар атрофи мафҳумҳои ватандӯстӣ ва хештанпарварӣ муттаҳид шуда, бар зидди  ифротгароӣ, хурофотпарастӣ ва дигар амалҳои номатлуб  мубориза баранд. 
Дар охир ба 45  донишҷӯи аъолохону пешсаф туҳфаҳои пулӣ тақдим шуданд.