Ёдбуди ҳамлаи хунини мактаби Пешовар

Душанбе, 17.12.2015 (АМИТ «Ховар») .- Дар Покистон ҳамла ба мактаби Пешовар — хунрезтарин ҳамлаи террористӣ дар таърихи кишварро қайд карданд. Қурбониёни ин ҳамлаи ваҳшиёнаи Толибон беш аз 150 нафар, асосан хонандагони мактаб мебошанд.
Маросими асосии ёдбуд дар маҳалли мактаб баргузор гардид. Дар ин маросим Сарвазири Покистон Навоз Шариф ширкат варзида, ба волидони нафарони ҳалокшуда ва ҳамсинфони зиндамондаи онҳо изҳори ҳамдардӣ намуд.
Дар робита ба солгарди ин ҳодисаи фоҷиабор дар саросари кишвар чораҳои амниятӣ пурзӯр карда шуд. Дар Пешовар атрофи мактабро низомиён иҳота карда, чархболҳои ҳарбӣ низ дар ҳавои он парвоз мекарданд. 
Ёдовар мешавем, ки як сол пеш, субҳи 16 декабр гурӯҳи мусаллаҳ ба бинои мактабе дар Пешовар ҳамла карда, ба тарафи талабагон ва муаллимон тир кушоданд. Ҳукумат дар робита ба ин, бар зидди ифротгароён амалиёти густурда анҷом дода, моратория ба ҳукми қатлро бекор кард. Аз он вақт инҷониб, тибқи маълумоти фаъолони ҳуқуқи башар, садҳо нафар гунаҳкорон ба терроризм қатл карда шуданд.