Ёвон: 114 зан дар вазифаҳои роҳбарикунанда фаъолият дорад

Ёвон, 9.12.2015. (АМИТ «Ховар»).-Соли равон дар ноҳияи Ёвон   барои  баргузор намудани  чорабиниҳои вобаста  ба соҳаи занон  аз буҷаи маҳал  19 ҳазору 185 сомонӣ ҷудо гардида, вобаста ба Соли оила  эълон гардидани соли 20015  ва бо мақсади татбиқи  амалии «Стратегияи миллии  фаъолгардонии нақши занон  дар ҷумҳурии Тоҷикистон  барои солҳои 2011 ва 2020»  аз тарафи раиси ноҳия  ба маблағи 70 ҳазор сомонӣ  грантҳо барои 35 нафар  занони ниёзманд ва бесаробон  тақсим шуд.  Аксарияти заноне, ки соҳиби грантҳои раиси ноҳия гаштанд, фаъолияти  хурди соҳибкорӣ  ташкил намуда, сатҳи  зиндагии оилаҳояшонро  баланд бардоштаанд. 
    Ҳамчунин  барои баланд бардоштани  мақоми иҷтимоии занон  ва иштироки онҳо  дар хизмати давлатию ҳаёти ҷамъиятӣ  пайваста тадбирҳо амалӣ  мешаванд. Ҳоло дар ноҳия   101 ҳазору 638 нафар зан умр ба сар мебаранд, ки аз ҳисоби   бонувони фаъоли ноҳия  2 нафар вакили Маҷлиси  вакилони халқи вилояти Хатлон, 8 нафар  вакили Маҷлиси  вакилони халқи ноҳия, 33 нафар вакилони маҷлиси ҷамоатҳо мебошанд ва 114 нафар дар вазифаҳои роҳбарикунандаи ноҳия фаъолият доранд. Имрӯзҳо дар ноҳия   13 нафар зан хизматчии давлатӣ мебошад ва  1590 нафар дар соҳаи маориф, 681 нафар дар соҳаи тандурустӣ, 163 нафар дар соҳаи саноат, 1544 нафар дар соҳаи соҳибкорӣ, 16 ҳазору 336 нафар дар соҳаи кишоварзӣ  фаъолият доранд. Инчунин дар давоми 9 моҳи соли  равон  596 нафар зан бо ҷойҳои  кор таъмин шуданд.