Заминҷунбӣ дар Душанбе 3-4 балро ташкил дод

Душанбе, 26.12.2015. (АМИТ «Ховар»). — Соати 00:16-и шаби 26 декабр дар ҳудуди ноҳияи Ишкошими вилояти Бадахшони Афғонистон, ки дар масофаи 305 км ҷанубу шарқи шаҳри Душанбе қарор дорад,  заминҷунбӣ рух дод. 
Дар ин бора аз Академияи илмҳои Тоҷикистон иттилоъ доданд.
Қувваи зилзила дар маркази он 6,2 бал, дар Бадахшони Тоҷикистон 5 бал ва дар шаҳри Душанбе 4 балро ташкил дод.
Тибқи маълумоти пешакӣ, дар натиҷаи заминҷунбӣ як зумра биноҳои кӯҳна дар Ишкошими Афғонистон ва шаҳри Пешовари Покистон осеб дидаанд. Дар шаҳри Пешовар як гурӯҳ одамон захмӣ ҳам шудаанд. 41 нафари онҳо дар беморхонаҳо бистарӣ гардидаанд.