19 ҷангии «Ҷабҳат ан-Нусра» дар Сурия маҳв карда шуд

Душанбе, 29.01.2016. (АМИТ «Ховар»). — Артиши давлати Сурия рӯзи панҷшанбе дар музофоти Идлиб 19 ҷангии гурӯҳи ифротии «Ҷабҳат ан-Нусра»-ро маҳв карда, 53 тани дигарашро захмӣ намудааст, — хабар медиҳад агентии «САНА».
Бино ба иттилои манбаъ, дар музофоти Идлиб рӯзи панҷшанбе неруҳои ҳукуматӣ зимни амалиёти ҳарбӣ такягоҳ ва якчанд нақлиёти силоҳдори гурӯҳи «Ҷабҳат ан-Нусра»-ро хароб кардаанд. Ёдовар мешавем, ки вақтҳои охир артиши давлати Сурия дар ҳама ҷабҳаҳо пешравӣ дорад. 24-уми январ неруҳои давлатӣ пойгоҳи муҳими мухолифин Ал-Робияро дар музофоти Латакиё зери назорати худ дароварда, 26-уми январ шаҳри муҳими стратегии Шайх Мискинро дар музофоти Даръо пурра аз террористон озод карданд.