40 тонна ангишт барои гузаронидани фасли сармо

Норак, 30.01.2016 (АМИТ “Ховар”).- Дар неругоҳҳои барқии обии Нораку Бойғозӣ ва шабакаҳои барқӣ корҳои омодагӣ доир ба зимистонгузаронӣ хуб ба роҳ монда шудаанд.
Барои бо муваффақият гузаронидани фасли сармо маъмурияти Неругоҳи барқии обии Норак ба номи Т. Улҷабоев ба миқдори 40 тонна ангишт бо нархҳои нисбатан арзон дастраси кормандон гардонидааст.
Муассисаи нигоҳдории роҳҳои мошингарди шаҳр 650 м кубӣ маводи зидди лағжиш, 7,5 м кубӣ ҳезум, 1,7 тонна ангишт, 200 литр равғани молиданӣ ва 2500 литр сўзишвории дизелиро захира намудааст.