6 журналист барандаи ҷоизаи Кумитаи ҷавонон шуданд

Душанбе, 18.01.2016 (АМИТ «Ховар»).-Кумитаи ҷавонон варзиш ва сайёҳии ҶТ 6 журналисти ҷавони ВАО-и кишвар- Руқияи Боймамад, хабарнигори Радиои «Ховар», Зарифа Содиқова, хабарнигори «Садои Конибодом», Рухшона Ҳакимова, хабарнигори «Фараж», Мазҳаб Ҷумъа, хабарнигори «Самак» ва дигаронро бо Ҷоизаи Кумитаи ҷавонон, варзиш ва сайёҳии ҶТ дар соҳаи рӯзноманигорӣ ва мукофоти пулӣ сарфароз гардонид.
Маросими ҷоизасупорӣ 16- уми январ дар тарабхонаи «Шоира Люкс»- и пойтахт доир гардид, ки дар он раиси кумитаи мазкур Аҳтам Абдуллозода иштирок намуда, барандагони ҷоизаҳоро табрик намуд.
Ҳамчунин ҷавонони фаъоли кишвар бо ҷоизаи мазкур дар соҳаҳои адабиёт, санъат, барномасозӣ ва меъморӣ қадрдонӣ шуданд.