Афзоиши савдои дохилӣ ва хориҷии вилояти Суғд дар соли 2015

Душанбе, 7.12.2015. (АМИТ «Ховар»).-Рушди устувори иҷтимоию иқтисодии солҳои охир дар вилояти Суғд бевосита ба афзоиши савдои чакана ва хизматрасонии пулакӣ таъсири мусбат расонд.
Ҳаҷми гардиши моли чакана дар 11 моҳи соли гузашта ба 5144,1 млн. сомонӣ ва хизматрасонии пулакӣ ба 2732,4 млн. сомонӣ баробар шуда, афзоиш нисбат ба ҳамин давраи соли 2014 мутаносибан 104,9 фоизиро ташкил намуд.
Хаҷми гардиши савдои хориҷии вилоят 1985,6 млн. доллари ИМА-ро ташкил дода, баробари 89,2 фоизи сатҳи ҳамин давраи соли 2014 мебошад.
Дар давраи ҳисоботӣ чун солҳои пештара ҳиссаи воридот калон буда, он 1564 млн. доллари ИМА — ро ташкил дод, ки нисбат ба ҳамин давраи соли гузашта 14,5 фоиз кам шудааст.
Содироти маҳсулот аз вилоят дар ин давра 421,6 млн. доллари ИМА — ро ташкил намуд, ки баробари 106,7 фоизи сатҳи ҳамин давраи соли 2014 мебошад.
Ин нишондиҳанда асосан бинобар нисбат ба ҳамин давраи соли гузашта ба миқдори 6421 тонна пахта ба маблағи 5 млн. доллари ИМА, 35,2 ҳазор тонна пиёз ба маблағи 2,1 млн. доллари ИМА, 697 тонна калобаи пахтагин ба маблағи 610,5 ҳазор доллари ИМА зиёд содирот шудан ба вуҷуд омад.