Ҷаласаи Шӯрои собиқадорони ҲХДТ дар “Кохи Ваҳдат”

Январь 13, 2016 14:34

Душанбе, 13.01.2016 (АМИТ «Ховар»). — Имрӯз дар Маҷмааи “Кохи Ваҳдат” ҷаласаи Шӯрои собиқадорони ҲХДТ баргузор мегардад.
Раиси ҲХДТ Пешвои миллат Эмомалӣ Раҳмон 4 декабри соли 2015 дар Маҷлиси Кумитаи иҷроияи марказии ҳизб гуфт, ки: “Мо бояд нисбат ба собиқадорони ҳизб бетафовут набошем. Таҷрибаи онҳоро ҳамаҷониба истифода карда, дар синни нафақа нисбат ба онҳо ғамхорӣ зоҳир кунем. Бояд собиқадорон дар ташкилоти ҷамъиятӣ муттаҳид шаванд ва аз мактаби маҳорату истеъдодашон кадрҳои ҷавон тарбия гиранд.”
Маҳз дар ҳамин ҷаласа роҳбари ҳизб Эмомалӣ Раҳмон дастур дод, ки фаъолияти шӯро ҷоннок гардонида шуда, таҷрибаи ғании собиқадорон дар самти тақвияти арзишҳои ватандорӣ, худшиносӣ, эҳтироми суннатҳои миллии мардум ва таблиғу ташвиқи дастовардҳои мамлакат ба манфиати миллат ва ҷомеаи кишвар истифода шаванд.
Роҳбари дастгоҳи марказии ҳизб Абдураҳмон Хонов дар суҳбат бо хабарнигори Агентии миллии иттилоотии Тоҷикистон “Ховар” таъкид намуд, ки: “Собиқадорони ҲХДТ дар қаламрави Тоҷикистон яке аз гурӯҳҳои фаъол ва собитқадами ҷомеа мебошанд. Онҳо дар ҳолатҳои сангини барои миллат ва давлат сарнавиштсоз зери роҳбарии Пешвои миллат — Эмомалӣ Раҳмон барои татбиқи идеяҳои низоми давлатдорӣ, ки аз ҷониби роҳбари муаззами мамлакат муайяну мушаххас гардидаанд, саҳми худро гузоштанд ва дар оянда низ метавонанд нақши муаасир ва арзишманд дошта бошанд.”
Қарор аст, ки дар ҷаласаи имрӯза масъалаи интихоби роҳбарияти Шӯрои собиқадорони ҲХДТ ва нақшаҳои кори ояндаи шӯро мушаххас шаванд.

Январь 13, 2016 14:34

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд