Ҳалокати чор нафар дар садамаи нақлиётӣ дар ҳудуди ноҳияи Данғара

Душанбе, 27.01.2016 (АМИТ «Ховар»).- 26-уми январ ронандаи мошини тамғаи “Опел-Астра”, сокини 22-солаи ноҳияи Фархор ҳангоми ҳаракат аз ноҳияи Данғара, дар километри 67-уми самти Душанбе, ба мошини боркаши тамғаи «ШАНХАЙ», ронандааш, сокини 35-солаи ноҳияи Восеъ бармехӯрад.
Дар натиҷаи садамаи нақлиётӣ худи ронандаи мошини тамғаи “Опел-Астра”, мусофирони мошини мазкур: марди 38-сола ва писарбачаи 5-солаи ноҳияи Данғара, инчунин зани 27-солаи ноҳияи Шӯрообод дар ҷои ҳодиса ба ҳалокат мерасанд. Мусофирони дигари мошин: марди 35-сола ва зани 20-солаи ноҳияи Фархор ҷароҳатҳои гуногуни ҷисмонӣ бардошта, дар беморхона бистарӣ гардидаанд.