«Амонатбонк»-и Ваҳдат сифати хизматрасонӣ ба аҳолиро баланд мебардорад

Ваҳдат, 16.01.2016. (АМИТ «Ховар»).- Филиали «Амонатбонк»-и шаҳри Ваҳдат дар соли 2015 ба 1129 мизоҷ ба маблағи 5 миллиону 800 ҳазор сомонӣ қарз додааст ва 21 ҳазору 572 нафар нафақагири ҳифзи иҷтимоию 7886 нафар корманди соҳаи буҷетиро бо кортҳои пластикӣ таъмин намудааст, ки бе мушкилӣ сокинони шаҳр маошу нафақаашонро аз марказҳои хизматрасонии филиали «Амонатбонк»-и шаҳр дастрас менамоянд.
Филиали бонки мазкур дорои 16 маркази хизматрасонӣ, 16 постерминал, 3 банкомат ва 7 нуқтаи интиқоли маблағ мебошад, ки нақшаҳои аз тарафи БДА ҶТ «Амонатбонк» вобасташударо сари вақт иҷро мекунад ва кормандони филиали мазкур нақша доранд дар соли 2016 сифати хизматрасонӣ ба аҳолиро баланд бардошта, нақшаҳои дар пеш гузоштаро пурра иҷро намоянд.