Авбошӣ дар пойтахт

Душанбе, 07.01.2016. (АМИТ «Ховар»). — Ба ШВКД дар ноҳияи Фирдавсӣ сокини 36-солаи шаҳри Душанбе муроҷиат намудааст,ки рӯзи 25 декабри соли 2015, шахсони номаълум дар назди бинои истиқоматиаш, воқеъ дар кӯчаи Н. Қарабоеви шаҳри Душанбе аз ҳиссиёти авбошӣ тартиботи ҷамъиятиро вайрон намуда, яке аз онҳо бо корд 1-маротиба ба пойи чапи писари ноболиғаш, ҷавони 17-сола зада, аз ҷойи ҳодиса ғайб задаанд.
Ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия шаҳрвандон: сокини 17-солаи ноҳияи Рӯдакӣ ва ҷавонони 22-сола, 19-сола, 20-солаи сокинони шаҳри Душанбе ва сокини 27-солаи шаҳри Кӯлоб бо гумони даст доштан дар ҷиноятӣ авбошӣ дастгир шуданд.
Нисбат ба далели мазкур тафтиш давом дорад.