Аз зарбаи ҷавон мӯсафед ба беморхона афтод

Душанбе, 14.01.2016. (АМИТ “Ховар”). — Зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30-солаи сокини шаҳри Хуҷанд бо гумони қасдан расонидани зарари вазнин ба саломатӣ дастгир карда шуд. Номбурда, санаи 11.01.2016, тахминан соати 18:00-дақиқа дар назди ошхонаи “Файз”, воқеъ дар кӯчаи Ленини шаҳри Хуҷанд бо марди 70-солаи сокини шаҳри Хуҷанд, ҷангу ҷанҷол карда, ӯро як маротиба ба рӯйяш задааст. Дар натиҷа, мӯйсафед ҷароҳати вазнини ҷисмонӣ бардошта, дар беморхона бистарӣ шудааст.
Нисбат ба далели мазкур парвандаи ҷиноятӣ оғоз гардида, тафтишот идома дорад.