Баргузории 3100 чорабинии гуногун дар вилояти Суғд

Хуҷанд, 15.01.2016 (АМИТ «Ховар» )- Раёсати кор бо занон ва оилаи мақомоти иҷроияи ҳокимияти давлатии вилояти Суғд дар давоми соли сипаришуда 3100 чорабинии гуногун гузаронид, ки дар онҳо ҳазорҳо нафар занону духтарон иштирок намуданд.
Бо зикри ин нукта сардори раёсат Нодира Мирзозода дар нишасти хабарие, ки имрӯз, 15 январ доир гардид, иттилоъ дод, ки дар Соли оила дар 18 шаҳру ноҳияҳои вилоят, донишгоҳҳо, муассисаҳои таълимӣ, ташкилоту идораҳои гуногун вохӯриву семинарҳо, суҳбату конфронсҳо, ба монанди «Зан ва ҷомеа», «Поймол кардани ҳуқуқи зан хушунат аст», «Оилаи ман — ифтихори ман», «Оила — неруи пешбарандаи ҷомеа», «Эҳтиром ва муҳаббати оилавӣ», «Оила муқаддас аст», «Кошонаи саодат» баргузор шудаанд, ки ҳадафи асосӣ мустаҳкам намудани оилаҳои ҷавон, пешигирии ҷудошавии оилаҳо, тарғиби либоси миллӣ ва фарҳанги миллӣ мебошад.