Баррасии беш аз 400 парванда дар Суди Олии иқтисодии кишвар
Душанбе, 21.01.2016.(АМИТ «Ховар»).-«Беш аз 400 парванда дар зарфи соли сипаригардидаи 2015 аз ҷониби Суди Олии иқтисодии Ҷумҳурии Тоҷикистон баррасӣ гардидааст», гуфт Абдуҷаббор Қодирзода-муовини аввали раиси Суди Олии иқтисодии кишвар имрӯз зимни нишасти матбуотӣ ба хабарнигорон.
Мавсуф афзуд, ки аз 424 парванда 169 парванда дар марҳилаи якум, 244 парванда дар коллегияи судии Суди Олии иқтисодӣ, 7 парванда дар коллегияи судии Суди Олии иқтисодӣ дар марҳилаи назоратӣ ва 4 парванда дар Раёсати Суди Олии иқтисодии кишвар баррасӣ шудаанд.
Зикр гардид, ки маблағҳои рӯёнидашуда аз парвандаҳои баррасигардида беш аз 137 миллион сомонӣ ва зиёда аз 1 миллион доллар қонеъ гардонида шуда, дар маҷмӯъ беш аз 149 миллион сомониро ташкил медиҳанд. Аз маблағи умумии дар асоси ҳалномаи суд рӯёнидашуда дар соли 2015 беш аз 37 миллион сомонӣ ба фоидаи мақомоти давлатӣ равона шудааст, ки ин нишондиҳанда дар соли 2014 беш аз 12 миллион сомониро ташкил дода буд. Ҳамзамон дар соли 2015 боҷи давлатӣ аз рӯи аризаҳои даъвогӣ , шикоятҳои кассатсионӣ ва назоратӣ ба фоидаи давлат 2 миллиону 768 ҳазор сомонӣ пардохт гардидааст.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
