Баррасии масъалаи барҳам додани шаклҳои бадтарини меҳнати кўдак дар Тоҷикистон
Душанбе, 28.01.2015. (АМИТ «Ховар»).- Имрӯз, 28 январ дар Вазорати меҳнат, муҳоҷират ва шуғли аҳолии Ҷумҳурии Тоҷикистон ҷаласаи навбатии Шӯрои ҳамоҳангсози байниидоравӣ оид ба барҳам додани шаклҳои бадтарини меҳнати кўдак баргузор гардид.
Раиси Шӯро, муовини якуми вазири меҳнат, муҳоҷират ва шуғли аҳолии Ҷумҳурии Тоҷикистон Эмин Сангинзода гуфт, ки мушкилии барҳам додани шаклҳои бадтарини меҳнати кўдак мавзўи мавриди таваҷҷуҳи Ҳукумати Ҷумҳурии Тоҷикистон, ҷомеаи шаҳрвандӣ, ташкилоти гуногуни маҳаллӣ ва созмонҳои байналмилалӣ мебошад. Дар ҳамкорӣ бо шарикони рушд, бахусус Ташкилоти Байналмилалии Меҳнат (ТБМ) дар кишварамон лоиҳаҳои гуногун дар самти пешгирӣ аз истифодаи меҳнати кўдак ва аз бозори меҳнат баровардани кўдакон татбиқ мегарданд.
«Бо дарки аҳамияти ҳалли таъхирнопазири мушкилоти марбут ба меҳнати кўдакон ва бо назардошти уҳдадориҳои байналмилалии қабулнамудаи Ҷумҳурии Тоҷикистон, дар якҷоягӣ бо шарикони рушд «Барномаи миллӣ ва нақшаи амал дар ин самт барои солҳои 2015-2020» қабул гардидааст, ки мақсади он-пурра барҳам додани шаклҳои бадтарини меҳнати кўдакон дар кишварамон мебошад», -афзуд Эмин Сангинзода.
Мавриди зикр аст, ки назорат ва арзёбии иҷрои Барномаи миллӣ ба зиммаи Комиссия оид ба ҳуқуқи кўдаки назди Ҳукумати Ҷумҳурии Тоҷикистон дар ҳамкорӣ бо Шӯрои ҳамоҳангсози байниидоравӣ вогузор шудааст.
Дар ҷаласа гузориши намояндагони вазоратҳои меҳнат, муҳоҷират ва шуғли аҳолӣ, корҳои дохилӣ, тандурустӣ ва ҳифзи иҷтимоӣ, кишоварзӣ, маориф ва илми Ҷумҳурии Тоҷикистон, кумитаҳои кор бо занон ва оила, ҷавонон, варзиш ва сайёҳии назди Ҳукумати Ҷумҳурии Тоҷикистон, Комиссия оид ба ҳуқуқи кўдаки мақомоти иҷроияи ҳокимияти давлатии шаҳри Душанбе, Федератсияи иттифоқҳои касабаи мустақили Тоҷикистон, Иттиҳодияи корфармоёни Ҷумҳурии Тоҷикистон, ТБМ ва рўзномаи «Дайджест-пресс» оид ба татбиқи ин барнома шунида шуд.
Дар хатми ҷаласа нақшаи кори Шӯрои ҳамоҳангсози байниидоравӣ оид ба барҳам додани шаклҳои бадтарини меҳнати кўдак барои соли 2016 баррасӣ ва тасдиқ гардид.








Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид






