Баррасии Паёми Пешвои миллат дар Кумитаи ҳифзи муҳити зист
Душанбе, 27.01.2016 (АМИТ «Ховар»). — 26 январи соли 2016 дар Кумитаи ҳифзи муҳити зисти назди Ҳукумати Ҷумҳурии Тоҷикистон оид ба Паёми солонаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, ки 20 январи соли равон ироа гардид, бо иштироки кормандону мутахассисони соҳавӣ вохӯрӣ баргузор гардид.
Раиси кумита Хайрулло Ибодзода зикр кард, ки дар Паёми роҳбари давлат ба Маҷлиси Олӣ масъалаҳои муҳимтарини соҳаи ҳифзи муҳити зист низ дарҷ ёфтаанд. Аз ҷумла, истифода аз энергияи барқароршаванда, ки солимии экологии кишвар аз он вобаста аст; ташаккули «иқтисоди сабз»; ҳифзи муҳити зист, ки он дар мадди аввал аз муносибати дилсўзонаи корхонаю ташкилот ва маърифати экологии аҳолӣ вобаста аст; мутобиқшавӣ ба тағйирёбии иқлим; коҳиши партовҳои гази карбон; истифодаи оқилонаи захираҳи об; ҳамкории байналмилалию минтақавӣ, дипломатияи ҳамкорӣ дар соҳаи об; татбиқи иқдоми нави байналмилалии Ҷаноби Олӣ «Об барои рушди устувор» ва дигар масъалаҳои соҳаи ҳифзи муҳити зист барои расидан ба ҳадафҳои рушди устувор нақши калидӣ доранд.
Дар вохӯрӣ доир ба масъалаи мазкур тамоми воҳидҳои сохтории кумита ва сохторҳои зертобеи он вазифадор шуданд, ки матни Паёми сарвари давлатро дар маҷлисҳои васеъ мавриди таҳлилу баррасии амиқ қарор дода, иҷрои чорабиниҳои кумита оид ба дастуру супоришҳои дар Паём баёнгашта аз тариқи нашрияҳои «Ҳифзи табиат» ва рўзномаи «Инсон ва табиат» ба таври васеъ тарғиб шаванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






