Беҳтар гардидани шароити кормандони ШВКД дар ноҳияи Ғончӣ
Душанбе, 14.01.2016. (АМИТ “Ховар”). — Имрӯз дар доираи сафари хизматӣ ба вилояти Суғд Вазири корҳои дохилӣ генерал-лейтенанти милитсия Раҳимзода Рамазон Ҳамро ба ноҳияи Ғончӣ омада, баъди таъмири асосӣ аз ШВКД дар ноҳияи мазкур боздид ба амал овард.
Вазири корҳои дохилӣ аз Қисми навбатдорӣ, ҳуҷраҳои корӣ, толори маҷлисгузаронӣ ва дигар шароитҳои хизматбарию моддӣ-маишии кормандони милитсия дар ноҳияи Ғончӣ аз наздик шинос гардид.
Мавриди қайд аст, ки Шӯъбаи милитсияи ноҳияи Ғончӣ солиёни зиёд таъмир нокарда ва фарсуда гардида ба таъмири асосӣ ниёз дошт. Соҳибкорони ватанӣ бо иқдоми ҷавонмардонаи худ бинои ШВКД дар ноҳияи Ғончиро аз таъмири асосӣ бароварда, бо тамоми шароити муосир муҷаҳҳаз гардониданд, ки шоистаи таҳсин аст.
Вазири корҳои дохилӣ дар саҳни бинои ШВКД дар ноҳияи Ғончӣ бо ҳайати шахсӣ, дружиначиёни ихтиёрӣ, кормандони ғайриштатии милитсия, соҳибкорони ватанӣ ва аҳли ҷамоатчигӣ мулоқот доир намуда, ба онҳо барои боз ҳам тақвият бахшидани ҳамкориҳо бо аҳолӣ ва пурзӯр намудани мубориза бар зидди ҷинояту ҷинояткорӣ дастуру супоришҳои мушаххас дод.
Аз ҷониби Вазири корҳои дохилӣ Рамазон Раҳимзода дружиначиёни ихтиёрӣ, кормандони ғайриштатӣ ва шаҳрвандонеро, ки дар ҳифзи тартиботи ҷамъиятӣ ва мубориза бо ҷинояткорӣ саҳми арзанда гузоштаанд, бо «Ифтихорнома»-ҳо ва тӯҳфаҳои қимматнок сарфароз гардонида шуданд.
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
