Дар Чин бар асари заминларза хонаҳо хароб гардиданд
Душанбе, 21.01.2016. (АМИТ «Ховар»).-Тибқи иттилои маркази зилзиласанҷии Ҷумҳурии Мардумии Чин, дар музофоти Синхайи ин кишвар заминларзаи шадид ба вуқуъ пайваст, ки шиддатнокии он 6,4 баллро ташкил дод. Дар натиҷаи заминларза 54 иншоот хароб гардида, талафоти ҷонӣ ба қайд гирифта нашудааст.
Заминларза соати 01:13 ба вақти маҳаллӣ дар минтақаи Мэнюани музофоти мухтори Тибет — Хайбей рух дод. Пас аз чанд дақиқа такони такрорӣ ба амал омад, ки шиддатнокии он 3,4 баллро ташкил дод. Маркази заминларза дар умқи 10 км ҷойгир буд.
Дар минтақаи Мэнюан тақрибан 150 ҳазор нафар зиндагӣ мекунанд. Ба аксарияти онҳо зарур омад, ки ба сардии 20 дараҷа нигоҳ накарда, хонаҳояшонро тарк кунанд. Бино ба маълумоти пешакӣ, бар асари заминларза касе осеб надидааст.
Тибқи иттилои агентии ТАСС, ба минтақаи офатзада неруҳои полиси мардумӣ сафарбар шудаанд. Илова бар ин, ҷамъияти Салиби Сурхи Ҷумҳурии Мардумии Чин ба маҳалли осебдида кумаки башардӯстона равон кард.
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
