Дар Душанбе мактаби инкишофи зеҳнӣ бунёд мегардад

Душанбе, 20.01.2016 (АМИТ «Ховар») .- Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз, 20 январ, зимни ироаи Паёми навбатии худ ба Маҷлиси Олии кишвар баён дошт, ки соли 2016 барои тараққиёти соҳаи маориф 3 миллиарду 150 миллион сомонӣ пешбинӣ шудааст, ки нисбат ба соли 2015 — ум 10 фоиз ва дар муқоиса бо даҳ соли пеш 13 баробар зиёд мебошад.
Аз ҷониби Роҳбари давлат супориш дода шуд, ки имсол дар шаҳри Душанбе бори нахуст дар сохтори Академияи илмҳои Тоҷикистон мактаби инкишофи зеҳнӣ бунёд гардида, Вазорати маориф ва илм вазифадор шудааст, ки ба Ҳукумати мамлакат барномаи давлатии таъсиси чунин мактабҳоро дар маркази ҳамаи вилоятҳо пешниҳод намояд.
«Бо ин роҳ мо барои рушди неруи инсонӣ ва ҷалби наврасон ба таҳсилоти муосири босифат имконияти бештар фароҳам меорем»,-илова намуд Эмомалӣ Раҳмон.