Дар соҳили Юнон боз як киштии дигари муҳоҷирон ғарқ шуд

Душанбе, 29.01.2016. (АМИТ «Ховар»). — 28-уми январ дар баҳри Эгей дар наздикии соҳили Юнон киштии муҳоҷирон ғарқ шуд. Бино ба маълумоти пешакӣ, дар киштӣ 21 нафар қарор дошт. 11 каси онҳо, аз ҷумла 7 кӯдак ба ҳалокат расиданд. Дар ин бора «Вести.ру» иттилоъ медиҳад.
Зимни амалиёти наҷотдиҳии муҳоҷирон ба муҳофизони соҳилии Юнон муяссар шуд, ки 10 нафарро наҷот диҳанд.
Ёдовар бояд шуд, ки дар давоми ҳашт моҳ беш аз 300 ҳазор нафар барои ба ҳудуди Иттиҳоди Аврупо ворид шудан кӯшиш намудаанд, ки аз баҳри Миёназамин гузаранд, вале 2,5 ҳазори онҳо ба ҳалокат расидаанд.