Дар Тоҷикистон бори аввал ташхиси хромасомаи филоделфӣ дар беморони миолейкози музмин имконпазир гардид

Душанбе, 29.01.2015. (АМИТ «Ховар»).-“Дар соли равон дар Озмоишгоҳи марказии илмӣ-тадиқиқотӣ 862 ташхис дар самти эндотелӣ ва эндоэкология гузаронида шуда, дар бахши озмоишгоҳи кишти селлулҳо дар якҷоягӣ бо кафедраи осебшиносӣ ба 8 нафар бо бемории остеартроз ва 2 нафар бо буғуми қалбакӣ ҳуҷайрадармонӣ бо CD-133 гузаронида шуда, натиҷаҳои он мавриди омӯзиш қарор доранд”,-гуфт ректори ДДТТ Убайдулло Қурбон зимни нишасти матбуотӣ.
Ректор аз ҷумла, гуфт, ки аввалин маротиба дар Тоҷикистон ташхиси хромасомаи филоделфӣ дар беморони миолейкози музмин имконпазир шуд.
“Дар соли 2015 аз тарафи ҳайати омӯзгорону профессорони донишгоҳ дар маҷмӯъ ба 50 ҳазору 811 беморон кумаки табобатию машваратӣ расонида шуд. Аз ҷумла, дар кафедраҳои соҳаи ҷарроҳӣ 10 ҳазор 931 амалиёти гуногунҷабҳа иҷро шудааст. Аз тарафи устодони варзидаи донишгоҳ аз тариқи авиатсияи санитарӣ ба беш аз 80 нафар дар шаҳру ноҳияҳои гуногуни ҷумҳурӣ кумаки машваратӣ расонида шуд”,-афзуд ректор.