Даст ба дуздӣ задани донишҷӯ

Душанбе, 30.01.2016 (АМИТ “Ховар”).- Ба ШВКД-1 дар шаҳри Исфара сокини 29-сола муроҷиат намудааст, ки шаби 23 -24-уми январ шахсони номаълум бо роҳи пинҳонӣ вориди мағозааш, воқеъ дар кӯчаи Ҷомии шаҳри Исфара шуда, аз он ҷо қисмҳои эҳтиётии мошинҳои гуногунро ба маблағи 10740 сомонӣ дуздида, аз ҷойи ҳодиса ғайб задаанд.
Ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия ҷавони 23-сола, донишҷӯи бахши 1-уми Донишгоҳи Давлатии Техникии Тоҷикистон дар шаҳри Хуҷанд дастгир шуд.
Нисбат ба далели мазкур парвандаи ҷиноӣ оғоз гардида, тафтиш идома дорад.